內地化學豉油暗攻港
【專案組報道】繼頭髮豉油後，內地再揭發全無黃豆成分的化學豉油，而且溝製化學豉油的原材料隨處售賣。本報記者到廣州食品批發市場，用二百元人民幣就買到可溝製一噸豉油的原材料，五分鐘便溝出味道幾可亂真的化學豉油。以每支五百毫升豉油售價十元計算，化學豉油利潤可達八十倍。由於成本極低，不排除化學豉油已攻入深圳甚至本港廉價食肆。醫生警告，化學豉油隨時可損害肝腎功能，甚至造成更大的危害。
二百元人仔可溝出一噸
記者日前到有「食材街」之稱的廣州一德路食品批發市場，表示想購入製造化學豉油的材料，店員即取出醬油香精、及三包分別名為黃原膠、焦糖色素及呈味核苷酸二鈉的粉末，講解用法：「除咗香精，仲要用焦糖色素溝出豉油嘅色，焦糖色素係用糖整出嚟；黃原膠就可以增加質感，所有豉油廠都會用；呈味核苷酸二鈉可以增加味道。」
記者買齊化學豉油材料，價錢約二百元人民幣（約二百五十港元），店主指：「呢度夠溝一噸豉油，我哋成日送去香港，旺角上海街都有舖頭問我哋攞貨。」以支裝釀製豉油每支五百毫升計算，該批化學材料，足可製成二千支豉油，可賣二萬元，升價八十倍。
記者將化學材料交予香港專業教育學院（柴灣）應用科學系食物及營養科學課程主任兼高級講師方麗影，在她指導下，不消五分鐘其學生已調製出不同味道的豉油。
方麗影認為食用化學豉油非常危險：「唔會知道入面有無其他化學物質或者重金屬。」香港醫學會主席蔡堅指出，化學材料若含重金屬，人體吸收後會危害肝腎，鹽分太多亦會損害腎臟。
本港食環署食物安全中心發言人強調，由一○年至一二年十一月，檢測逾二百二十個豉油樣本，測試結果滿意。海關發言人稱，過去三年並無發現有假豉油出售。