訪港旅港人次逼近五千萬，當中七成一來自內地，強國人民來港消費高逾三千億元，旅客不斷創新高，之不過，香港已唔係「購物天堂」，而係「水貨客天堂」！
水貨客不止，折騰不已！佢哋大批大批如潮水湧來香港，見貨就掃，益力多、原子筆、洗頭水、姨媽巾……這都算了，最要命是與港人父母搶外國進口奶粉，令到港B「冇啖好食」，政府高官又一味「口水多過茶」，繼「港人港地」後又唔肯實施「港人港奶」，前者無改私樓售價繼續狂飆，後者相信能解決港媽港爸四出飛撲奶粉的殘酷事實！
政府口頭就話「民生無小事」，然聽其言觀其行，解決的方法全不到位，打個比喻，高官彷彿拿着杓子接到水即可，也不管有多少漏了出去，好心啲高官認真度好辦法，徹底解決港爸港媽的憂慮！又有學者建議開徵奶粉離港關稅，保證港B有奶到肚！好心高官們唔好只顧自己面子，自己冇計就聽吓民間智慧啦！仲扮嘢！回歸後香港沒有變得更好！這除了北大人敵我不分，使香港「畸形政治」變得更畸形，一日「反中亂港有運行，愛國愛港無前途」，香港都會變成「鬧」市，然則，果真是會鬧的孩子有奶吃？
回歸以來，香港社會愈來愈悲壯！不是嗎？一個賣粥麵的地舖，加租一倍要六十萬，據說九十萬已被人搶着租去！難怪一間一間食店結業，只能發出無奈哀嘆：日賣五萬碗雲吞麵都交不起租！而水貨客大批湧港，港媽港爸大叫救命，皆因香港已步入買奶粉難過買珍珠粉的年代！香港還是最適宜居住的嗎？