立法會尋日繼續辯論施政報告致謝動議，泛民、建制兩派議員亦繼續排隊輪候上演「口水騷」，講起施政報告嘅房屋政策，兩派議員更難得槍口一致對外，批評政府交唔出功課。不過，要數最出位嘅，肯定係工黨張超雄，佢喺狠批政府冇照顧劏房戶時，高舉一幅集廁所、廚房功能於一身嘅劏房實景圖，要求政府睇清楚劏房戶嘅實際居住環境。佢更即場下戰書，邀請一眾局長入住多功能劏房一個星期，體驗運輸及房屋局副局長邱誠武所講「劏得四正又靚」嘅特色劏房，唔知邱誠武本人又有冇膽識一試呢？
