模圈熱議 何佩瑜指勞資糾紛
【本報訊】女模特兒為十五萬元陪客，結果人財俱失，在娛樂圈引起熱議，對收錢陪客似乎見怪不怪。女模何佩瑜（Jeana）稱：「我覺得呢件事係勞資糾紛，其實大家知道發生咩情況下做緊咩嘢，根本係僱主同員工嘅關係，可憐嘅係僱主拖欠人工，其實唔應該報警，希望個女仔唔好咁唔開心，唔好再受到傷害，同埋祝佢生意興隆。」
另一名女模馮鎵瀠（Naomi）則強調她不是女事主，但她承認有人出價包她，「facebook多人問，話包我一個月同私影，（開價幾多？）一個月一百萬，私影就一個鐘二千五，不過我都無覆過佢哋，呢兩年嚟每個月都有人問我。馮又指不知道這種事可否報警。問她一百萬會否令其心動，她稱「一百萬咁少，我將來諗住結婚，起碼都要億萬富翁啦，一百萬咁睇少我，我唔使畀人包，自己搵到錢，又唔係唔夠錢使。」馮其後展示手機內收到的被包訊息，但銀碼顯示月包「$1ｘｘｘｘ」，非她所說的一百萬。
張暖雅質疑事主貪錢
女模張暖雅稱：「我就無畀人問過價，以前做生意時候就有應酬。」對於迷姦事件，她稱：「15萬飲杯實有問題，個o靚模自己有問題，我就唔會做咁嘅嘢。」她認為女事主是成年人，應該明白所作所為及後果，並質疑女事主是貪錢，「見到呢個價錢都唔應該出，無功不受祿，做乜之前都應該諗吓，如果發生係自己身上我一定忍受，唔會報警，依家佢係自己拎嚟，要知道已經係成年人啦。」
