「好彩打唔中我個頭，如果唔係實死無生！」的士女乘客憶述死氣喉喉嘴從天而降飛入車廂的驚險一幕仍猶有餘悸，當時她感到「有舊嘢」打穿車尾擋風玻璃，擦過她的頭頂，幸最終跌落她腳前。她對於自己「死過翻生」，頻呼「好彩」及「感謝主」，驚魂甫定後更在車廂內以iPhone拍下「兇器」。
與死神擦肩而過的郭女士在醫院受訪時憶述，事發時她坐於的士後座貼近左窗邊位置，當車沿東廊途至北角碼頭對開時，她突然聽到頭頂後傳出巨響，坦言：「聽到後面突然好大聲，有嘢打爛玻璃，跟住感覺到有嘢擦過我個頭頂，跌咗落我嘅腳嘅前面。」她被嚇呆了，其後定睛一看，始知是一件巨型金屬物件。「好彩舊嘢淨係喺我個頭擦過，如果打中我個頭，我個頭都無喇！如果打中我個頭側邊，我都會黐線！」她事後頻呼：「感謝主，好彩無事！」她一直不知跌入車內的硬物是甚麼，直至向記者查問始知是死氣喉喉嘴。
姓何的士司機則表示：「都唔知咁大件事，如果唔係實一早停車啦！」何續解釋，起初以為公路上的碎石被輾起擊穿玻璃，由於以為小事，才沒有立即停車，他不諱言：「如果早知係咁大鑊，就一定第一時間報警！」
本報記者