【本報訊】「二千二百蚊慳慳哋用都可以，好過曾蔭權嗰時乜都唔畀。」獨居於深水埗一自置單位的郭矢賢，每月靠一千多元的生果金過活。他指，雖然自己的資產不超出限制，但總擔心「唔知邊啲計邊啲唔計（資產）」，認為不設經濟審查，可讓長者「唔使咁徬徨」。
八十歲的郭矢賢雖擁有一個單位自住，但他在六十五歲時已通過社署的經濟審查，故屬首批可獲自動轉換至領取長津的長者。
他指，現時主要靠生果金過活，兒女及新抱均屬在職貧窮，只在節日給他零用錢，故生活十分節儉，「有時食飯連餸都冇，或者要豉油撈飯。」
他指，每隔兩、三個月，他要看一次醫生，二千二百元的津貼，其實仍不足應付生活，但「慳慳哋用，都叫做可以買啲菜食吓」，已較前特首曾蔭權爵士的時代無任何津貼為好。但郭伯伯始終擔心計算資產的準則，直言不贊成設經濟審查。