樓價只升不跌，港人難圓置業夢，新民黨立法會議員田北辰（田二少）尋日喺社交網站話，佢早前同運輸及房屋局局長張炳良出席新界總商會晚宴時，當面問張炳良有關政府土地供應問題：「雪櫃乜餸都冇，點煮飯？」張炳良腦筋急轉彎回應話：「雪櫃有嘢，不過要解凍……」。田二少再追問：「你有微波爐咩？冇嘅話，咁點食呢？」呢個故事係想講政府有土地但仲未用得，實在難以穩定樓價，換言之港人未來幾年都係得個「等」字，等雪櫃嘅食物慢慢解凍晒先食得，試問市民咁樣仲邊會對政府有信心吖？
