指示燈亂閃港鐵死撐冇壞
港鐵不斷加價，服務與質素卻被指每況愈下。除訊號故障頻生外，吳先生早前多次發現車廂內的路線顯示板疑因故障而亂閃，就事件即時向港鐵反映後，未幾一名職員竟回覆稱「查無實據」，拒絕承認路線顯示板曾有損壞，「我嗰日仲影埋相畀個職員睇，佢都話有問題，點解轉個頭又話冇證據？」
港鐵發言人承認曾接獲有關投訴，指當日職員得知有關情況後，已通知維修人員，於當晚收車後即時進行檢查及維修。不過，發言人卻稱當日投訴人未有留下聯絡資料，故未能作出回覆。
「明明有留電話同個姓氏，仲有職員覆過我，啲嘢一時一樣，當乘客嘅投訴係咩？」吳先生坦言非常不滿港鐵的回應，更指港鐵前言不對後語，要求港鐵正視乘客意見及投訴。