街市塞渠水浸跣長者

家住博康邨的黎女士每天均會到街市購買餸菜，早前行經海鮮檔時發現地面有大量積水，其後才獲悉乃去水渠淤塞所致。數日後水浸範圍更不斷擴大，令街坊舉步維艱，「魚檔對出笪地本身已經濕，條渠去唔到水就搞到地下更加跣，試過啲水浸到上腳眼，依家盡量都唔會行過去。」

生意額最少跌六成

街坊繞道而行，令檔販生意大跌，何先生歸咎房署管理差劣，「條渠塞咗成個月，同管理公司講完，佢哋話會整，點知就得個拖字，搞到我哋做唔到生意，生意額最少跌咗六成！」何又指曾先後目睹有兩名長者跣倒，為減低地滑影響，惟有自行放置木板，惜仍無法根治問題，水浸情況尤以午膳「落場」及傍晚後清洗檔口期間最為嚴重。

何先生指渠管淤塞期間，每次出入檔口均靠磚頭涉水而行。	放大圖片	渠管淤塞水浸，水深接近兩吋。

「個街市年幾前先做完局部翻新，點知咁快又有渠塞！」當區區議員陳國添表示，曾有街坊投訴街市另一渠位有滲水問題，未料是次問題更為嚴重，質疑乃管理公司維修有欠妥善所致。陳指渠管淤塞不但打擊個別檔戶生計，更對街坊出入造成危險，認為管理公司須以民為本，從速進行維修，否則「跣親老人家就大件事」。

淤塞情況拖延逾一個月後，房署終於更換了渠管。（陳國添提供）	黃太：「條渠塞咗成個月都冇人理，整到個地下好跣，行過都好驚跣親！」	馮太：「呢個街市嘅管理愈嚟愈差，條渠拖咁耐都冇人整就知啦。」

房署發言人表示，獲悉街市有渠管淤塞後，已即時派技工通渠，淤塞情況已有所改善，隨後數天亦兩度派員維修，鑑於問題未能徹底解決，最終決定更換相關渠管。不過，對於被指拖延維修，發言人則未有正面回應。

發言人又說，每天均會派員巡查街市，並每隔半年檢查街市渠管，對上一次檢查為去年九月。另外，該署至今未有接獲居民滑倒之報告，又認為是次渠管淤塞疑因有人罔顧公德、將大型物件不當投入渠管所致。

王國興：有失職要懲處

「既然日日都有人巡街市，就一定知道條渠塞到好嚴重，咁都要拖咁耐先換渠，道理上好難講得通！」立法會議員王國興認為，事件中管理一方有責任要為租戶解決問題，又指房署雖將街市交予承辦商管理，惟一旦發現事涉有人失職，亦應行使權力責成管理公司作適當懲處，避免再次同類發生事件。

記者：伍思明