政情：八網難逃：卿姐「篤」促 白鴿要有手尾
民主黨（白鴿黨）主席劉慧卿向來表現得好有威嚴，而且仲有鋪鬧人癮。話口未完，卿姐尋日就喺該黨社交網站專頁貼咗張相，而相中有張海報，上面印有卿姐個嘜頭，仲惡形惡相手指指，提醒大家「使用會議室後請緊記關燈及冷氣」，擺明係想整治吓班冇手尾嘅白鴿。不過，原來佢已經唔係第一次鬧人，好多泛民主派議員尋日見到卿姐張海報後，都紛紛趁機吐苦水，會計界梁繼昌承認被卿姐鬧過佢唔熄燈，而同屬白鴿黨嘅單仲偕仲話被卿姐鬧過兩次添，咁冇手尾，確係抵鬧啦！
民主黨（白鴿黨）主席劉慧卿向來表現得好有威嚴，而且仲有鋪鬧人癮。話口未完，卿姐尋日就喺該黨社交網站專頁貼咗張相，而相中有張海報，上面印有卿姐個嘜頭，仲惡形惡相手指指，提醒大家「使用會議室後請緊記關燈及冷氣」，擺明係想整治吓班冇手尾嘅白鴿。不過，原來佢已經唔係第一次鬧人，好多泛民主派議員尋日見到卿姐張海報後，都紛紛趁機吐苦水，會計界梁繼昌承認被卿姐鬧過佢唔熄燈，而同屬白鴿黨嘅單仲偕仲話被卿姐鬧過兩次添，咁冇手尾，確係抵鬧啦！
