「貪曾」前特首曾蔭權爵士在任時搞落嘅六大優勢產業，經唔起時間嘅考驗，部分產業亦被新政府唾棄，淪為「慘孽」。商務及經濟發展局局長蘇錦樑（Greg蘇）尋日出席立法會工商事務委員會時，被問及六大優勢產業究竟係咪已被推翻，Greg蘇坦言，發展產業係需要講求經濟效益，亦需要照顧市民對服務嘅需求，好似醫療同教育服務需求大而供應有限，必須先照顧香港市民。Greg蘇咁講，擺明係寸貪曾啲優勢產業不切實際，無優先照顧港人嘅需要啦。
