中環出更：榮雪梅哈爾濱滑雪唔敢停
冬日係滑雪旺季，名媛榮雪梅（Helen）早前都同囝囝Charles去哈爾濱滑雪，當地凍到零下三十幾度。Helen笑言，相機也凍壞，為免變雪人，佢不停來回飛馳雪地上，唔敢停落嚟。
外表文靜嘅Helen原來係滑雪高手。小時候留學加國時初嘗滑雪滋味，從此每年冬天，必定飛去歐洲、日本或韓國，感愛滑雪快感，如今已是能滑黑色賽道嘅專業高手。早前為求新鮮感，佢去咗哈爾濱，冇諗過當地冬天特別冷，連生於北方嘅Helen都話頂唔順。為保持身體暖和，佢同囝囝每日至少滑五、六小時，過足滑雪癮。
雖然係滑雪高手，此行也有驚險場面，話說有日Helen高速滑下斜坡時，不僅打咗幾個觔斗，滑雪板迎面打在心口上，痛到佢入心入肺，幸好未有骨折，認真好彩。滑雪後，兩人大擦東北火鍋，之後又喺酒店焗桑拿，逼出體內嘅寒氣，果然養生有道。