水署唔得閒裝錶 食肆延開業逼蝕租
申請接駁水錶逾月未批，食肆被迫延期開業！尖沙咀有日式料理店申請水錶，水務署職員竟以「唔得閒」為由，拖延上門安裝，令東主白白繳付高昂租金卻又開業無期。業界與議員皆批評水務署由職員按個人決定釐定安裝日期並不合理，建議制訂服務承諾以改善服務質素，免令申請人無所適從。
「租金、人工樣樣都係錢，水務署一日唔裝錶，冇水就冇得開舖，足足蝕咗成五位數字！」張先生去年於尖沙咀開設日式料理店，原預算十一月開業，九月下旬已向水務署申請安裝水錶，竟先後兩度被拖延，「明明入咗紙申請又話冇收過，改好晒圖則、搞掂晒手續後又話『唔得閒』裝錶，等下個禮拜先，不嬲都知道政府部門做嘢慢，但唔係無止境拖延囉！」張續指，水務署職員曾表示約二十天可完成安裝，不滿最後遭拖延逾月。
應訂出服務承諾
香港餐飲聯業協會會長黃家和直指事件不能接受，「食環署都有廿八日出到臨時食肆牌、三個月內出到正式牌照嘅承諾啦，點解水務署冇？」黃指食肆租金、薪金、宣傳費等開支巨大，建議水務署倣效食物環境衞生署，向市民訂出服務承諾，在特定時限內完成服務，免令申請人大失預算。黃又說，水務署職員眾多，處理事務亦繁重，倘以「唔得閒」為由拖延安裝水錶明顯於理不合。
立法會議員王國興則稱，水務署應檢討現行服務制度，令職員可依循既定程序處理申請，而非因應個人決定而釐定安裝日期，「用『唔得閒』做理由根本唔合情理，點可以任由個職員自己決定幾時同人裝錶！」王建議水務署應重新訂立一套制度，公開讓申請人知悉處理申請的程序及時間，以改善服務質素。
當局指圖則不合規格
水務署發言人解釋，安裝水錶須待內部供水系統工程完成後，才會派職員與水喉匠一同前往工地視察，並即場安裝水錶，由於申請人店舖內的設施曾作改動，加上首次提交的圖則並不合乎《水務條例》要求，以致申請不能批出，強調職員並未有拖延處理其申請。不過，就「職員聲稱冇收過申請表」一事，發言人則未有作正面回應，僅以先後兩次接獲申請人遞交供水申請表作回覆。至於被指職員以「唔得閒」為由拖延安裝水錶一事，發言人則未有回應。
記者：黃芷君