近期正值流感高峰期，天氣又時冷時熱，稍一不慎好容易「中招」。前日下午兩點鐘，我哋喺金鐘中信大廈遇到民政事務局局長曾德成，佢啱啱同一名男性友人食完晏後分道揚鑣，經行人天橋返回政府總部。期間見佢鼻水長流，要邊行邊用紙巾不停又抹又呻，都咪話唔狼狽。究竟係天橋風勢強勁吹到佢流鼻水吖，定係佢不慎中招「打敗仗」呢？無論點都好，依家新政府處於作戰狀態，曾局長真係要身體健康先得喇！
