每逢香港有政治大事發生，政壇嘅「搞事四人幫」都會搵場合說三道四，並密謀攪局，點知佢哋成員之一嘅天主教香港教區前主教陳日君尋日出席活動時，竟然對剛出爐嘅施政報告冇乜實質評論，最耐人尋味嘅係，佢仲自認好多嘢現階段都跟唔上喎。陳日君忽然間咁有自知之明，認真值得「搞事四人幫」其餘三位成員肥佬黎、「民主阿婆」前政務司司長陳方安生同「李漢奸」民主黨創黨主席李柱銘學習吓，事關既然跟唔上就唔好再出嚟亂噏廿四，倒不如早啲摺埋好過啦！
