水署工地掛臘肉 冇人理
「成堆臘肉掛喺度都冇人理，就知個工程好耐冇郁過啦！」屯門居民梁女士每日均會前往青海圍一帶購物，發現青河坊對出空地有水務署工程進行多時仍未完工，工地內放滿建築物料，並有數十個圍欄被胡亂擺放，外圍更掛有多串臘肉及勞工手套，懷疑工程已荒廢多時。
地底施工地面亂龍
水務署發言人證實，青海圍一帶正進行更換及修復老化水管工程，其中青河坊對開空地於去年七月開始工程，預計於今年二月完成。發言人解釋，由於工人主要於地下井內工作，疑因此被市民誤會無人施工，但強調駐地盤工程人員會密切監察工程進度，並不時勸喻市民勿將私人物品掛放圍欄上。
「喺地底做嘢就可以搞到地面亂晒龍？（水務署）有乜理由畀啲人亂咁擺嘢，搞到成個垃圾崗咁！」梁女士認為，即使工程於地底進行，水務署亦有責任保持工地整潔，又要求該署盡快完成工程，回復街道舊貌。