政情：今日你上鏡：堅守防線
社會名人出席飲宴場合，通常都係「騷quali」時候。新民黨葉劉淑儀同囡囡葉榮欣（Cynthia，圖左）日前出席一個晚宴時，葉太無懼寒風，以超低胸晚裝示人，佢披咗條mink披肩，條頸鏈啲珍珠好大粒，襯埋其他首飾，造型好高貴，不過就確係性感咗啲。
當記者同葉太影相，身邊嘅Cynthia立即以九秒九速度幫媽咪拉埋件披肩，唔通佢驚媽咪凍親？非也，葉太轉頭同記者講話：「佢（女兒）話唔好見到個胸喎！」估唔到年紀輕輕、去過美國讀大學嘅Cynthia，思想上反而仲保守過媽咪喎，反觀Cynthia，佢着高領裙襯長褸，密實過媽咪好多。