貪曾前特首曾蔭權爵士喺上屆政府應做就唔做，無喇喇又話要發展六大產業，香港醫療、教育等因為霎時間變成「產業」，搞到秩序大亂，香港市民深受其害。梁振英喺上星期發表嘅施政報告，正式宣布香港嘅醫療、教育發展打回原形，唔再係乜嘢產業。行政會議召集人林煥光都話，香港嘅教育同醫療根本就未達到可作為產業嘅水平。貪曾咁鍾意搞產業，依家得閒冇事做，應該負責剷晒啲樹葉啦，仲應該好似收埋啲茅台咁，好好收埋晒啲樹葉添呀。
