林奮強尋日透過電郵回應傳媒查詢，話對於《蘋果》解釋報道錯誤是由於記者聽錯嘅說法，難以相信，因為佢發言當日，在場有一百多人，都冇一人將呢個訊息傳出去。
會後兩日，再有記者問佢係咪歧視新移民，佢再次否認。不過，最後出街嘅報道仍為「林奮強：歧視新移民」。
用逾千三字講大道理
林奮強又嚟一輪訓話，話乜嘢希望大家反思香港嘅核心價值，因為銷量同新聞轟動性，都唔應該凌駕一切等等。林奮強用咗篇超過一千三百字嘅電郵講大道理，但就連強硬少少嘅譴責性用詞都冇，最後決定唔作法律追究，真係好難怪被人話軟弱囉。
特區政府嘅人咁好欺負，以後人哋再亂寫都唔使驚啦，寫錯咗就講「對唔住囉」，都冇懲罰嘅。