政府支援不足 運動員靠自己

單車場10幾年未起好

從事酒店業的謝先生熱愛騎單車，他對李慧詩再次獲獎甚感興奮，「佢真係好勁，爆炸力優勝過好多外國選手，真係好開心，始終香港無幾多個世界冠軍。」他認為近年愈來愈多人騎單車，「或許有少少李慧詩效應」，但認為本港對運動員的培訓及支援不足，不少運動員均要靠自己，「政府咁多錢，但係起個單車場起十幾年都未起好，仲連啟德體育城都話想唔起，好失望」。

另一單車發燒友蘇先生亦對Sarah勇奪世界盃冠軍感到鼓舞，認為她充分表現港人的拚搏精神，蘇指，自Sarah在倫奧獲獎後一直有留意她的動態，希望她能繼續堅持，再獲更多國際獎項。與兩個女兒到大埔騎單車的黃女士直言，香港島居民一直希望有單車徑，但至今仍「只聞樓梯響」，希望李慧詩獲獎可令政府更重視發展本港的體育康樂設施。

港人鼓舞 黃女士（主婦）：「李慧詩攞獎，我作為香港人都幾榮幸，但政府根本唔重視運動，淨係單車徑香港都好難搵，小朋友平時想踩下單車都好難。」	何小姐（醫護人員）：「好佩服李慧詩嘅努力，好戥佢開心，但本港單車設施好多年都冇改善，政府應該改善整體運動配套。」	蘇先生（退休人士）：「香港對運動員缺乏支援，但咁嘅情況下李慧詩都可以有好成績，真係好勁，希望佢未來能再攞更多獎。」