【本報訊】醫管局每年花三至四百萬元進行《手術成效監察計劃》，令公立醫院疲於奔命保住「招牌」。據悉報告發現有醫院在緊急及非緊急手術中，高風險病人手術數目比往年少，或涉「少做少錯」及「做靚盤數」。
一位公立醫院外科部門主管承認，部分公院的外科愈來愈多「揀病人」施手術情況，即不為高死亡風險病人做手術，但不代表是「整靚盤數」，反而是因有《手術成效監察計劃》，令醫護決定做手術前多個參考：「以前來者不拒，明知得百分之十成功嘅手術都做咗先，依家有監察報告，決定前會諗多一諗，九成死嘅仲博唔博，咁唔係一定係怕整差盤數，而係多一點常理判斷，既為病人好，又令家屬明白做同唔做（手術）風險。」
對於不少人批評《手術成效監察計劃》原意是監察醫院手術水平，最後間接迫使醫院造數。有公立醫院資深外科專科醫生分析，從整個風險評估系統角度來說，監察報告仍有一定作用：「每個臨床同事都有唔同心態，部分人本住仁心仁術，九成五會失敗嘅手術都做，博咗先算，但無諗過咁做會唔會消耗緊醫院資源，同埋對病人係咪好事呢？」
醫管局總行政經理（質素及標準）邱家駿指，計劃本身有調節手術高風險因素，例如病人年齡、過往病史、化驗報告等，不存在有醫院為「造靚盤數」而選擇病人，所有醫護人員以拯救病人性命為己任。