青少年戒心低 易墮財色騙局

【本報訊】互聯網發達加上智能手機大行其道,令青少年沉迷玩facebook及微信,甚至在虛擬世界結識異性及拍拖,有社工指,青少年心智未成熟、戒心低,容易當在網上相識的陌生人是朋友,隨時墮入不法之徒設下的騙財騙色陷阱。

「要去都約埋朋友」

青協社工文習武表示,過往有不少青少年與網友見面的時候,被人灌醉或帶同僻靜地方性侵犯,亦有事主將陌生網友帶返家中,結果「引狼入室」。他坦言:「其實唔識嘅人,就唔應該赴約,就算去都要約埋朋友,選擇人多地方,同埋要通知家長。」他建議青少年切勿貿然與陌生網友見面,家長亦應該多與子女溝通,留意他們行蹤,如有需要可以陪同子女見網友。

對於有女童被fb男網友性侵犯,不少家長及學生昨議論紛紛,其中育有一名八歲女兒的家長林太稱:「個女上網主要係學習及遊戲用途,唔會畀佢上太耐,我會留意佢上咩網,唔可以上社交網站識陌生人,如果覺得可疑,會從旁觀察瀏覽內容。」姓李小六女生稱:「平日有上fb,但唔會同陌生人聯繫,如果有人add我,會睇下佢係咪同學,識得先會加。學校有講座教我哋,唔好喺網上識陌生人,以前都睇好多類似新聞,我自己會好小心。」

第一手消息請下載on.cc東方互動iPhone/iPad/Android/Windows Phone Apps