「香港都回歸咗十幾年，食環署有咩理由仲要人交英文申請表？」郭先生曾多次向食物環境衞生署遞交食物業牌照申請表格，每次皆因只填上中文地址而被拒收，直言不滿該署做法，「我自問英文唔好，但係佢哋話一定要寫英文，或者寫晒中、英文先收貨，你話有冇搞錯！」
不過，食環署發言人卻稱，食物業牌照申請表格上地址一欄，申請人可以中文或英文填寫，申請亦不會因未有提供英文地址而不獲接納。接獲轉介後，該署已提醒各牌照辦事處人員有關安排。
「根本就係啲職員懶得將地址譯做英文，係都要人哋填英文，真係離晒譜！」郭先生坦言過去曾多次被食環署職員無理留難，獲悉有關職員疑未按指引處理申請後更大感憤怒，要求當局檢討，避免再為市民帶來不便。