特首梁振英（CY）尋日發表嘅首份施政報告，提及「貪曾」前特首曾蔭權爵士在任時提出嘅六大產業，認為推行過程中有啲問題需要檢討，除咗醫療產業出現人手不足外，對於教育應否作為產業看待，社會上確實存在分歧。CY又宣布貪曾當年提出嘅「置安心」正式死亡，有關計劃嘅土地改作居屋發展，同時又鼓勵「中產置業」，變相向當年叫市民可以租樓嘅貪曾狠狠摑一巴。貪曾在任時搞嗰樣衰嗰樣，如今政策又未能獲新政府延續推行，睇怕佢留作紀念嘅多份施政報告都係用嚟透火好過喇，費事眼冤啦！
