政情：公民講場：群雄逐鹿旅發局 阻自由黨世襲

旅遊發展局主席今屆任期將於三月底屆滿，按不成文嘅「六六規定」，自由黨榮譽主席田北俊將要起身，連同早年做過旅發局主席多年嘅該黨主席周梁淑怡，該黨已霸住呢個主席位十幾年。有業界消息指自由黨疑意猶未盡，有意再搵該黨副主席方剛繼續霸住旅發局主席寶座，十足世襲傳位。不過，聽聞行政會議成員林健鋒亦蠢蠢欲動想爭埋一份，名正言順幫政府睇實呢個曾經畀人狠批「大花筒」嘅法定機構。但另亦有人提醒難保最後有「梁粉」會突圍而出，呢場旅發局主席寶座混戰，未到最後一刻都未知鹿死誰手。