政情：八網難逃：五頭溏心鮑賀母牛一佳品
敍福樓集團執董黃傑龍（Simon）早前喺社交網站分享咗幾幅相片，見佢捧住一大碟五頭溏心鮑魚，睇起上嚟都有成隻手掌心咁大隻o架，細問之下原來係用嚟慶祝佢媽咪牛一。
黃傑龍睇辦即買
Simon話，咁啱上個月有海味供應商帶咗兩斤南非溏心鮑魚貨辦畀佢睇貨，反正都諗住同媽咪慶祝生日，所以就索性買嚟自己食。睇番市面依家賣嘅南非五頭溏心鮑魚，大約二千多元一斤，比起天價嘅日本網鮑嘅價錢真係差天共地。至於黃媽媽慶幾多歲生日？Simon就話，年齡係女人嘅秘密，怕講咗出嚟會被媽咪鬧喎！