新聞故事：場地規劃差 發燒友鬧爆
單車旋風近年席捲香港，有少女為愛車扮靚，亦有型男玩BMX扭盡高難度花式。樂隊LMF前成員麥文威（Jimmy）讀中學時迷上BMX，不惜開店貼錢資助有天分的年輕人學習，更鬧爆政府未有推動單車文化。
「八十年代荷里活電影《ET外星人》上畫，掀起全港BMX熱潮，成個屋邨啲細路一人一架！」此後Jimmy便沉迷於BMX，「以前我好瘦，玩得BMX多，成個人厚晒，大隻晒！」他○三年索性在油麻地開店賣BMX，並資助貧困少年。
LMF前成員積極推動BMX發展
訪問期間，有兩名少年來買BMX，Jimmy一去良久，原來他賣車絕非一買一賣，而是度身訂造的貼身服務，「我會問佢住邊，再介紹佢搵我哋嗰區識嘅車手，大家交流切磋，自然進步得快。」致力推動BMX發展的他，對政府運動政策更是火滾，談起場地問題，Jimmy即時變憤青，貫徹LMF本色：「政府亂丟幾千萬，喺粉嶺起完個skate park後先至發覺設計錯誤！」他坦言對當局失望透頂，惟有繼續靠自己。
由一月十一日至廿五日，香港藝術中心將舉辦「單車電影節（香港站）」，集結世界各地獨立影片，描述單車的樂與怒，Viola和Jimmy亦會在影片訴說他們的單車故事。