渡海濠情：孤寒男友囡囡嗌早抖
據報美國有唔少小朋友，喺聖誕節收到啲好Cheap嘅禮物，除咗即時黑晒面之外，仲喺自己嘅社交網站唱衰父母，話佢哋唔了解仔女、孤寒。嚟自澳門帝濠桑拿嘅洋洋，對付男朋友都係用呢種手段。
斤斤計較
洋洋話：「我男朋友唔算多，但都有四、五個，有啲好捨得使錢買禮物送畀我，但亦有啲十分孤寒。好似舊年聖誕，我就收咗兩份過萬蚊嘅禮物，亦收到兩份千零蚊嘅，而最令人激氣嘅就係收到一份只值百零蚊嘅禮物，真係即時激到『啤』一聲，好在只陪佢食咗餐飯，算冇乜蝕底，如果矇查查同咗佢過夜，就真係蝕晒大本，早知佢咁孤寒，索性放佢飛機好過。」家陣啲九十後，真係斤斤計較，少啲誠意都唔得。
鬧得仲兇
洋洋除咗不滿之外，仲會唔會唱衰男朋友呢？洋洋話：「我哋班姊妹一收到禮物，就會馬上影相放上網，貴價嘅就等其他姊妹恨吓，如果係Cheap嘢，亦好等啲姊妹鬧衰佢。唔怕話你知，班姊妹有時鬧得仲惡過我，而且佢哋仲會轉發，真係唔知傳去邊度，有次男朋友喺佢同事嘅社交網度見到有人唱衰佢，問係咪我？我梗係唔認啦！事後佢都冇我辦法，但就拿拿臨送咗個名牌包包畀我，所以我極之贊成，禮物唔啱就要狠狠咁唱衰佢。」
洋洋Profile
年齡：21歲
三圍：34.5-24-35
撰文：小德
攝影：阿昌