「唔需要佢留低」
YM一直喺黨內專責研究，見證住該黨○四年坐擁立法會十個議席嘅風光時刻，亦目擊○八年黨內分裂逐漸走下坡，直至該黨去年重奪立法會五個議席，期間YM一直有份獻計，算係黨內幾朝元老，但無奈最終都要執包袱。YM話，被炒當天曾經向一位高層問個究竟，但回應係佢「冇犯錯」，只係唔再需要佢留低。
認係一般調整
莎姐承認上任後有作出人事調動，但呢啲係一般調整，至於YM係咪佢親自要炒，莎姐就話唔評論太多，總之唔係特登要「炒人」，因為該黨人手仍然短缺，尤其係經過去年立法會選舉後，覺得要加強組織同文宣兩項工作，所以嚟緊會增聘人手，唔存在要削減編制，但以往有啲嘢做得唔係咁好，可能就要減少人手喇。