N42A班次疏難搭車
大埔居民黎小姐因工作關係，經常會於凌晨時分前往機場，但有關時段只有於粉嶺開出的龍運巴士N42A線，更只得凌晨四時一班，沿途經北區多個分站才駛至大埔，令黎經常無法登車，情況尤以假期前夕最為嚴重，「架車嚟到大埔中心站已經冇位，惟有行半個鐘去大埔頭等車，如果上唔到車就要搭的士返工，真係好重皮！」
龍運巴士發言人稱，根據營運資料顯示，該線往東涌方向班次的平均載客率為百分之七十六，數字反映現時的班次水平已能大致配合乘客需求，現階段無意更改此路線服務，惟已記錄乘客意見作為日後訂定路線發展計劃的參考。