英女王今年首次採用3D立體技術拍攝年度聖誕文告，夠晒噱頭。「貪曾」前特首曾蔭權爵士向來被公認為港英餘孽，「英」首「曾」瞻，莫講話「事頭婆」大玩3D科技，就算慣常嘅聖誕文告，以貪曾嘅奴性肯定第一時間跪喺電視機前引頸以待，一睹「事頭婆」嘅風采，話唔定仲會大聲叫好添，唔係點對得住「事頭婆」封個爵士銜畀佢呀！貪曾因為貪盡海陸空搞到臭名遠播，萬一廉政公署對佢採取行動，唔知英國會否連佢嘅爵士銜都搣柴呢？
