貪曾懶理水貨客 北區陷困

港人贊成嚴打 內地客擬轉行

入境處上周聲言會在聖誕及元旦假期加緊執法，但過去四日在上水站外仍出現長逾百米的水貨客人龍，警方連日來須派出警員駐守維持秩序，港鐵亦加派人手，嚴格執行限制行李不可超過卅二公斤的措施。不過，水貨客早有拆解招數，一旦超磅，便即場將行李拆散，再由其他人帶入閘。

正當水貨活動未有絲毫收斂迹象之際，內地傳出有意收緊一簽多行，頓時震撼令來自內地的活躍水貨客，甚至搖頭嘆息。有內地水貨客坦言會見步行步，強調不會以身犯險，以免受牢獄之災。

另外有水貨客指，由於兩地政府近期大力打擊水貨活動，每天最多只能出入境一至兩次，令收入減少近三分一，如內地再收緊一簽多行措施，可能會轉行，不再帶貨。

港人陳先生：最衰都係曾蔭權，見住佢哋（內地水貨客）攪亂香港都唔理，淨係貪威識食，學咩人做特首吖？	中港居民又點睇？ 港市民 張太：「佢哋（水貨客）搞到上水搭火車又逼，日用品又無得賣，我好多日用品要專登出市區買，希望內地限制吓佢哋來港嘅次數，唔好搞到我哋咁麻煩。」	黃太：「最好限制佢哋（水貨客）一年只可以嚟香港兩、三次。以前猖狂到霸住成條街分貨，我哋啲居民路都無得行，你話幾慘呀！」

但一眾北區居民則「舉腳」贊成內地收緊一簽多行，認為可改善區內因水貨活動引致的交通擠塞情況，又可抑制物價不斷上升；更有居民指，應限制內地人每年只能來港兩至三次，徹底杜絕有關問題。

內地客 張女士：「我係嚟旅行嘅，咁啱幫朋友帶貨返去，（一簽多行）收緊咗可能對其他人有啲影響，對我就無乜關係。」

莊先生：「我現在一天最多走一、兩次，否則過關時會很麻煩，如果（內地政府）限制來港次數，我想不會再帶貨，可能做其他行業吧！」

曾經從事水貨活動的本港居民陳先生則指出，由於內地人近年不斷加入帶水貨的行列，已經搶去不少本港行家飯碗，他最近亦要被迫轉行從事運輸業，居於北區的他痛斥失業乃因曾蔭權對有關問題「闊佬懶理」，「咩雙非孕婦、水貨客已經有咗好多年，佢就咩都唔理，搞到香港亂晒大龍！」