自從政府宣布委任民建聯劉江華出任政制及內地事務局副局長後，無論地區或網民都議論紛紛，同佢有關嘅網上改圖更不斷流出，先係惡搞佢競選海報，又將佢變做古代詩人，日前更搖身一變做咗「劉公公」添！呢幅「劉公公」改圖，附有一首七言詩，主要諷刺佢敗選仍有官做，仲寸佢反骨。至於點解網民要將佢變成公公呢？皆因前政制及內地事務局局長林瑞麟時任被叫「林公公」囉！雖然現任局長係譚志源，但好似冇人叫佢做公公，相反劉江華一上場就被惡搞，睇怕呢啲都係佢個人嘅問題喇。
（互聯網）