有組織調查話香港每六名市民就有一人貧窮，反映香港貧富懸殊嚴重，只可惜「貪曾」前特首曾蔭權爵士在任時闊佬懶理。曾為貪曾効力嘅前社會福利署署長、樂施會總裁兼扶貧委員會成員余志穩都睇唔過眼，狠批前朝政府拒絕制訂貧窮線，只識用硬指標去量度貧窮，令本港貧富懸殊情況嚴重過唔少非洲國家。其實貪曾在任時非但冇解決貧窮問題，反被指官商勾結，貪盡富豪提供嘅海陸空款待，但對香港貧窮問題就不聞不問，相比坐喺度乜都唔做，更加可恥。
