懶修壞（車立）港鐵塞責
港鐵維修歎慢板，被指「有心拖延，冇心服務」！杏花邨居民何小姐習慣每日乘搭港鐵上班，早前如常由地面大堂步行至下層二號月台乘搭前往上環方向列車，期間不斷發現有乘客將嬰兒車從樓梯「抬上」大堂，「一路見好多人都好似『抬花轎』咁抬BB車撐樓梯，連老人家都係咁抬，咪好奇問下點解唔搭（車立），先知原來部（車立）壞咗好耐！」
港鐵發言人證實，該升降機於十月發生故障，車站已即時通知承辦商進行檢查及維修，證實需更換部分零件。由於有關零件訂購需時，故升降機需暫時停止服務，期間乘客可使用扶手電梯或樓梯來往大堂及月台，並就事件為乘客帶來不便致歉。
「二號月台根本冇電梯直接上大堂，要焗住行樓梯或者兜個大圈，完全唔合理！」何小姐不滿港鐵有「講大話」之嫌，要求港鐵儲存設施零件作備用，待有需要時可即時替換，以加快維修進度。