公民講場：貪曾低能佳叔氣憤

曾出任中央政策組首席顧問長達十年嘅劉兆佳，早前喺佢本新書暗批前直屬上司特首曾蔭權爵士能力低，認為曾蔭權任內嘅失誤，大部分都可以避免，最先係喺○八年增設副局長同政治助理聘用一事觸怒公務員，隨後曾蔭權政府又犯咗「好幾次頗嚴重的行政失誤」，包括慳電膽事件、派發六千元等，一共列舉咗十一項打擊個人威信事件，但唔包括樓價高。尋日佢出席青協一個活動，又再踢爆曾蔭權喺○八年時一度接受唔到香港竟然有房屋問題，仲曾經問佢點解以前唔一早講定香港會有房屋問題喎。佳叔對曾蔭權諸多不滿，真係吸口氣，飲啖水都有怨氣o架。