「容乜易着壞我隻腳」
外號「太子爺」嘅富二代不時出席社會活動，出得場面，衫褲鞋襪自然要執得正一正，不過有人爆料話，呢個「太子爺」特別要求鞋嘅質素。話說「太子爺」早前去某名牌店買鞋，當時售貨員好殷勤咁介紹一對時款鞋畀佢，點知該名「太子爺」最關心嘅唔係對鞋嘅質地同款式，開口第一句竟然係問售貨員呢對鞋幾多錢，當售貨員回覆話係七千蚊時，佢竟然大庭廣眾「高八度」擺款話，「咁平嘅鞋容乜易着壞我隻腳」，搞到個售貨員當時勁尷尬。
買嘢價錢平同貴，其實係無絕對嘅，各人對貨品嘅要求亦各有不同，七千蚊對鞋對「太子爺」嚟講係平到着壞腳，當然對好多人嚟講都唔能夠同意喇。