八十年代首批赴海外學習
身兼人大團長嘅招商局高層袁武因年齡關係決定退下火線，被外間視為袁武接棒人嘅李引泉最終成功接棒，以近一千三百票當選，喺十三名人大新丁中排名第三。除咗吸票能力強勁，據聞李引泉嘅來頭都唔細，佢喺八十年代曾做過中國農業銀行副總經理，又曾到意大利一年，修讀當地嘅金融學碩士學位，係當時首批去到海外，學習金融知識嘅人。
既然去得意大利當然要識番啲意大利文傍身，李引泉話，當時佢抵達當地後，雖然平日上堂係用英文，但都有學番啲意大利文，當問及講得最多嘅意大利文範圍，李引泉二話不說話係pasta，即係意粉，亦都可以同當地人作簡單溝通對話，難怪有人笑言進食果然係全世界嘅共通語言喇！