政情：廢腑之言：曾浩輝笑談擇偶難求36吋

衞生防護中心總監曾浩輝做到本月廿九日就正式結束二十年官場生涯，佢尋日同一眾傳媒友好茶敍時，全程春風滿面，妙語連珠，睇嚟真係無官一身輕喎。今年四十五歲嘅曾浩輝仲係寡佬一名，大家都對佢嘅感情生活十分好奇，可惜不論記者明查或暗訪，都只係見過佢孤身一人去動漫節掃貨，又或喺快餐店食炸雞。被喻為「筍盤」嘅佢被追問擇偶條件時就爆出金句，話感情事要隨緣，唔似得去買電視咁，「唔係我話要高清就高清，要三十六吋就三十六吋o架嘛！」結果引來全場爆笑。