「貪曾」前特首曾蔭權爵士在任時被揭發貪盡海陸空、食盡省港澳，而且每年獲「進貢」嘅禮物數之不盡，包括鮑魚、茅台酒、紅酒、大閘蟹等等，搞到執包袱遷出禮賓府時，都要租貨倉先至放得晒啲珍藏，仲要公器私用動用埋前特首辦公室放置茅台酒添！近日懷疑含致癌物嘅劣質油鬧得熱烘烘，唔知貪曾在任時有冇收過啲劣質油禮物呢？但睇怕以佢嘅性格，只會多啲禮來，密啲手收，話唔定屋企珍藏咗好多劣質油都唔知，更嚴重係曾太煮餸畀佢食埋落肚，如果真有其事，確係自作孽，「貪」字累事！
