執法後知後覺海關株連九族
水貨車行被海關連番追擊，業內人心惶惶。法律界人士認為，海關雖然依例執法，卻漠視政策上可能存在灰色地帶，以往放軟手腳，現時卻後知後覺執法，更加「株連九族」，禍及車主，實有違本港法治精神，此種做法粗枝大葉。
「全行無一幸免」
律師黃國桐認為，水貨車存在絕非一朝一夕的事，呈報資料手法及程序，亦行之有效，海關近期的連番行動，會令到業內人士摸不着頭腦。「依家海關唔係懷疑一間半間車行出蠱惑去查，而係全行無一幸免。」他認為事件反映政府與業內可能有些潛規矩，卻無明文列入政策，今時今日雙方卻有不同理解。「以前係合法嘅事，今日突然變成違法，可能連佢哋（水貨車行）都唔知自己做咗乜犯法事。」
至於海關調查牽涉消費者，行動雖然合法，但未必合理，且會嚇怕市民。黃說：「海關要你協助調查，又唔話你知查乜，市民只會聯想到自己係咪做咗啲犯法事，以為自己買咗賊贓，擾民之外，更無端端嚇餐飽。」