探射燈：買走私病狗 醫到你窮

質素無保障

香港寵物業商會會長張善浩指，按照動物售賣商牌照的有關指引，寵物店所售狗隻需已植入晶片及打預防針，確保牠們的健康，「佢哋一定會確保狗仔斷咗奶，先帶佢哋去打針同植入晶片，狗仔夠月數又會打預防針，安全好多。」

張續指，無牌狗販所售狗隻質素良莠不齊，未必有保障。他更踢爆，「佢哋話係自家繁殖，但其實好多都係大陸走私過嚟嘅狗。」

市民點睇 莫小姐（秘書）：「我未聽過有假領養，不過如果真係要去領養，我都會去愛護動物協會，唔會上網搵。」

胡小姐（機場地勤）：「如果真係要養小動物，我會領養朋友或者親戚啲狗，唔會上網亂咁領養。」

而部分走私狗隻在運輸過程中會被注射麻醉藥，令體質變得虛弱，且不清楚來源，有機會患有狂犬病，市民購買後隨時要支付巨額費用為狗作治療，「希望可以盡快堵塞漏洞，免得狗仔受苦，消費者又有損失！」張補充。