電燈「命懸一線」 食署塞責
街巿電燈吊吊揈，食物環境衞生署被指監工「是是但但」！袁女士經常前往黃大仙大成街街巿購物，近日發現十號樓梯介乎一樓及二樓梯間有一盞燈「吊吊揈」，僅以鐵線及繩懸掛於天花，因有電線外露，擔心有墜下及漏電之虞，「都唔知盞燈仲用唔用得，搵條繩求其綁住就算，跌落嚟扑爆頭都似！日日都有職員經過，竟然都冇人理！」
食環署發言人指出，上址最近曾進行天花維修工程，經巡查後證實該天花燈未有妥善安裝，已通知有關部門跟進。職員其後覆查時，有關天花燈經已妥善更換。
「天花做完維修工程，正常都要搵人全面檢查一次先重開，咁基本嘅嘢都冇做，擺明監管不力！」袁女士直斥食環署監工不力，並指該處為緊急逃生路徑，認為處理電器及照明系統更需格外小心。