CY上台五個幾月，香港未能「適度有為，穩中求變」，但見遊行示威，反呢樣反嗰樣，煩囂紛亂，唔好話老朽讀書寫字不得安靜，就如廳中一缸魚，都幾乎畀社會不安嘅情緒搞到嘔白泡——唔通末日真係埋身？
在如此紛亂的時勢下，東方報業集團於二○一二年十一月三十日創辦雜誌式嘅《好報》，逢周五隨《太陽報》附送，創刊號固然全城叫好，一擊即中，靠的是一貫的實力與「好報」的摯誠之心！再而起，三而一分為二，全城喝采！每到周五，滿城轟動，如果不幸地攞唔到或者搶唔切（因為實在太搶手，百幾個派發熱點，絕大部分於半小時內被火速一掃而空），就真係十五十六，唔睇瞓唔着！老朽話一刊兩冊嘅《好報》，時事稱王，娛樂稱霸，單睇熱情讀者、城中名人反應，就知好嘢不必靠吹！
《好報》揸上手，遊目騁懷，頓感惠風和暢，安妥的是一顆靈魂！老朽八卦，人老心不老，最愛娛樂，說到底，娛樂離唔開吃喝玩樂，即係玩！胡適話齋：打麻將可以忘記讀書，讀書可以忘記打麻將。內地作家賈平凹指，能以此忘掉彼，就是娛樂。和尚如果不唸經，坐忘了自己也是娛樂。
講得好！《好報》揸上手，老朽就完全忘記了自己，一味掛住睇，真係令老朽睇到心花怒放，下周五正是二十一日，傳說中的末日，如果真係顯靈，講真，就係老朽搶唔到第四期嘅《好報》！
後生仔女，當日見到老朽髮白鬚飄手震震，切記發揮敬老精神，畀老朽攞份《好報》啦唔該！