爛路牌吊吊揈路署懶理
「我真係未見過有路牌可以爛成咁，仲吊喺度咁耐都冇人理，真係好誇張！」徐先生日前途經屯門建安街，發現有路牌不但凹陷褪色，更嚴重變形，懷疑因被重型貨車碰撞致組件脫落，搖搖欲墜的路牌「吊掛」多時仍未見有部門派員維修。
路政署發言人表示，接獲本報轉介後，已隨即派員進行維修有關損毀的路牌，工程已經於日前完成。
「啲政府部門次次都係踢一踢先肯郁，等到有人投訴先修理，如果成個牌真係跌咗落嚟兼整親人就大件事！」徐先生指上址路牌現時雖已修妥，但認為路政署日後仍需加強巡查，遇有問題或損毀路牌則應即時維修，避免發生意外。