活潑雙眼、清醒頭腦嘅《好報》第三次喺美麗星期五同大家見面喇！今次一分為兩冊打孖送，呢份咁豐盛多彩嘅免費午餐，正如老朽所講：打開《好報》，憂慮全消，愉快與共；個人如此，何況大眾！
十五十六唔睇瞓唔着，今次未能搶到《好報》嘅讀者，老朽都唔知點安慰佢哋，惟有寄望東方報業集團出電子版喇！在網頁上活潑雙眼，激發正能量都好啊！《好報》一分為二，時事獨家內幕，驚揭「澳門變超級洗錢機」；娛樂追蹤圖文紛呈，八卦得嚟盡訴藝人心中情，唔會係淫賤黎旗下老屈、砌人生豬肉嗰隻，老朽睇完今期嘅加料《好報》，只能話《好報》呢份免費雜誌式報紙一出，時事猛料稱王，娛樂話題稱霸。
《好報》猛料求實存真，多到睇唔晒；人活世上，誘惑太多，面對誘惑，有時好難頂，周五攞唔到份《好報》，真係悵然若失o架！清代怪才金聖嘆在《如此則安之動心否乎》所寫：「空山窮谷之中，黃金萬両；白露蒹葭之外，有美一人。試問：夫子動心否？曰：動！動！動！……」一連寫了三十九個「動」字，可見，「道德」呢家嘢很多時唔可靠！
老朽睇完兩冊《好報》，亦只能連叫三十九次「好！好！好！……」吾友南哥乃飲食界翹楚，向來愛搞新意思嘅佢，最愛在全港最多讀者嘅《東方》登廣告，日前與之暢敍，南哥問有乜好橋，老朽笑曰，登完《東方》，幫襯埋《好報》，即係連睇《太陽報》嘅讀者都睇到，老中青目標食客喺晒度，你唔開分店，老朽輸你三個月稿酬！彼此擊掌叫「好」！