廢橋唔拆變露宿者之家
深水埗欽州街西行人天橋早於○七年已被審計署揭發使用率極低，結果淪為露宿者天堂，運輸署遭狠批後曾承諾將作改善。然而，五年後的今天，改善方案非但欠奉，廢橋衍生的問題亦愈趨嚴重，運輸署卻「反口」指天橋有保留必要，遭區議員狠斥違反承諾兼浪費公帑。關注團體則認為當局需研究長遠方案，為露宿者提供合適居所。
「條路已經有紅綠燈過馬路，仲使乜天橋？（運輸署）明知冇用都唔肯拆，都唔知為乜！」家住深水埗富昌邨的吳先生指，位於欽州街西的行人天橋多年來儼如廢橋，被露宿者佔據，不滿政府對問題視而不見，「雜物一堆二堆，有啲仲四圍大小便，試過有針筒同染血嘅紙巾，如有細路仔貪玩去搞吓就大件事！」
審計署五年前已揭浪費
當區區議員梁文廣指，最近曾接獲不少居民投訴，指上址露宿人數有增加趨勢，「一批又一批露宿者，又成日有人聚賭，街坊都擔心衞生同治安會愈搞愈差！」梁直指審計署早在五年前已批評天橋使用率低，運輸署曾承諾會作改善，但一直只聞樓梯響，「條橋雖然廢咗，但一路都用公帑保養、維修同清潔，仲要嘥警力去巡！」梁要求當局正視問題。
露宿者問題一直未解決
香港社區組織協會社區組織幹事吳衞東證實，由於通州街及楓樹街公園早前完成裝修，露宿者疑受驅趕而「搬竇」，「（政府）用咗幾拾萬裝修看台、整高個圍欄，仲請看更睇實，啲人惟有轉晒去天橋瞓！」吳批評當局對露宿者一直採不友善政策，加上單身人士輪候公屋時間長，板間房供應少，政府又取消廉價市區單身人士宿舍，令露宿者問題一直未能解決。運輸署發言人稱，因考慮到該行人天橋可讓行人與地面車流分隔，讓行人安全地橫過欽州街西，加上天橋設有上蓋，可提供全天候的過路環境，現時無計劃拆卸。
警方發言人卻指該天橋現時使用率偏低，根據紀錄，由去年至今曾接獲懷疑有癮君子在上址吸食毒品的舉報，另外亦曾拘捕一名干犯「管有危險藥物」罪的男子。社會福利署發言人則說，有社工定期跟進露宿者個案，亦會協助合資格申請公屋的露宿者盡快上樓，勸喻並協助他們早日脫離露宿行例。
記者：阮佩君