探射燈：槍手自白：都算好賺！
「都係為咗搵錢！」四年前一個偶然機會下，阿文成為槍手個體戶，去年畢業後正式金盆洗手。他在三年的槍手生涯中，已代做三十多份大專程度的功課，平均每月來自代做論文的收入已達數千元。
「當時都識得有朋友做槍手，自己都冇話特別想做，不過同學叫到咪幫吓手！」阿文坦言並非存心入行，他當時已有多份兼職賺零用錢，同學眼見他成績好，便主動要求他代做功課，更以高薪吸引他「入行」，「三千字就有二千一百蚊，五千字就三千五百蚊，都算好賺！」
副學士做碩士功課
由於有口碑，只有副學士程度的阿文，亦曾接過超乎他能力的論文，包括一份學士功課及一份碩士功課，「佢哋都知我程度，但都搵我幫手，我淨係會包合格，唔會包攞Ａ。」過去其作品亦試過不合格，被客戶要求重做。至於是否鼓勵「請槍」風氣，他笑說：「功課都係自己做啦！」