立法會財務委員會今日第七次開會審議長者生活津貼（長津）撥款，雖然泛民主派已經放軟手腳，但社民連梁國雄（長毛）不斷提新動議「拉布」下，財委會能否喺本月底前通過撥款都仍然係未知之數，四十萬長者真係多得長毛唔少。話說尋日立法會大會續會，財委會主席張宇人喺離開會議廳前，特登兜路行過去長毛個位度，之後仲成個身挨近長毛，非常肉緊咁同長毛密斟咗幾分鐘，但長毛全程都係笑笑口應對，依個咁曖昧的情景，顯然就係話畀人聽，拉布行動，將會「合情合理」地延續下去啦！
（蕭毅攝）
