我哋尋日講過，社民連立法會議員梁國雄打算向特首梁振英（CY）提出彈劾議案，點知人稱「李漢奸」嘅民主黨創黨主席、資深大律師嘅李柱銘，除咗第一時間仆出嚟話要協助長毛草擬彈劾議案外，又撰文話唔會再去由CY主禮嘅活動，亦唔會叫CY做特首喎。
可惜操控政棍容易，鼓動網民艱難，李漢奸嘅言論喺網絡世界嘅評價好壞參半，仲被網民鬧佢得把口，更質問佢領導民主黨咁耐，究竟為港人做過啲咩好事？叫佢咪以為寫吓文、抽吓水就可以令CY落台；亦有網民猜測李漢奸想CY落台後替補做特首，但講到最精警嘅都係淡淡嘅一句：「美國佬掣」，真係一針見血！